ແນະນຳແຂວງອຸດົມໄຊ

ແຂວງອຸດົມໄຊ (ອັງກິດ Oudomxay) ແມ່ນໜຶ່ງໃນແຂວງຂອງປະເທດລາວທີ່ຕັງຢູ່ທາງທິດຕະເວັນຕົກສຽງເໜືອຂອງປະເທດ

ແຂວງນີ້ໄດ້ແຍກອອກມາຈາກແຂວງຫຼວງພະບາງເມື່ອປີ ຄ.ສ. 1963 ເມື່ອແຮກທີ່ຕັ້ງແຂວງນີ້ມີຊື່ວ່າແຂວງລ້ານຊ້າງ ຄ.ສ. 1965 ຈຶງປ່ຽນຊື່ເປັນແຂວງເມືອງໄຊ ຄ.ສ. 1969 ຈຶງປ່ຽນຊື່ເປັນແຂວງອຸດົມໄຊມາຈົນເຖິງປັດຈະບັນ ຕໍ່ມາໃນປີ ຄ.ສ. 1991 ຈຶງໄດ້ໂອນເມືອງປາກທາ ແລະ ເມືອງຜາອຸດົມໄປຂຶ້ນກັບແຂວງບໍ່ແກ້ວ

ແຂວງອຸດົມໄຊ ຕັ້ງຢູ່ໃນວົງລ້ອມຂອງແຂວງຜົ້ງສາລີ, ຫລວງພະບາງ, ໄຊຍະບູລີ ແລະ ແຂວງຫລວງນ້ຳທາ.

ເມື່ອມາເຖິງຕົວເມືອງຈະເຫັນອະນຸສາວະລີຂອງປະທານໄກສອນ ພົມວິຫານ ບ່ອນນີ້ຈະເປັນຈຸດນັດພົບຂອງຊາວອຸດົມໄຊ ເປັນບ່ອນ ພັກຜ່ອນ, ມາທາງທິດຕາເວັນອອກສ່ຽງໃຕ້ ຈະເຫັນຍອດພະທາດສີທອງສຸກ ຕັ້ງຢູ່ເທິງເນີນພູໃຈກາງເມືອງຊື່ວ່າ: ພູພະທາດ, ເຊິ່ງເປັນສາ ສະຫນາສະຖານທີ່ສຳຄັນຂອງຊາວລາວ ແລະ ເປັນຈຸດທີ່ສາມາດຊົມວິວທິວທັດ ໄດ້ຮອບຄອບເມືອງທ່າມກາງການຖືກອ້ອມຮອບດ້ວຍພູ ສະຫລັບສັບຊ້ອນ.

ດ້ານນອກເມືອງຕາມທາງຫລວງຫມາຍເລກ 1 ປະມານກິໂລແມັດທີ 11 ມີນ້ຳຕົກທີ່ສວຍງາມຊື່ວ່າ ຕາດສິບເອັດ ໃນນ້ຳຕົກທີ່ໄຫລ ຜ່ານໂງ່ນຫີນລົງສູ່ແມ່ນ້ຳທາລະຫວ່າງທາງຈະພົບກັບວິວທິວທັດທີ່ສວຍງາມ, ຫມູ່ບ້ານຊົນເຜົ່າເຊັ່ນ: ເຜົ່າອາຄາ, ມົ້ງ, ຢ້າວ.

ຖ້າເສັ້ນທາງຜົ້ງສາລີຈະຜ່ານ ບໍ່ນ້ຳຮ້ອນທີ່ຄົນທ້ອງຖິ່ນເຊື່ອກັນວ່າ ສາມາດຮັກສາໂລກໄດ້ມາຍັງເມືອງຫລ້າແຄມຝັ່ງແມ່ນ້ຳບາກພາຍ ໃນເມືອງມີວັດບູຮານທີ່ປະດິດສະຖານພະແຊກຄຳ ເຊິ່ງເປັນພະພຸດທະຮູບທີ່ສັກສິດຄູ່ບ້ານຄູ່ເມືອງ ຍາມເສິກສົງຄາມຈະມີຊາວບ້ານເຫັນ ນ້ຳຕາໄຫລອອກມາຈາກດວງຕາຂອງພະດັ່ງກ່າວ ອຸດົມໄຊ ເຖິງຈະມີສະຖານທີ່ໃຫ້ທ່ຽວຫນ້ອຍ ແຕ່ກໍຍັງເປັນສູນກາງຂອງການເດີນທາງ ເພາະມີສະຖານີຂົນສົ່ງຂະຫນາດໃຫຍ່ນອກເມືອງ ສາມາດໄປຍັງເມືອງອື່ນໆໄດ້ສະດວກໄດ້ແກ່: ນະຄອນຫລວງວຽງຈັນ, ຫລວງພະບາງ,ຫລວງນ້ຳທາ,ຜົ້ງສາລີ,ບໍ່ແກ້ວ ຫລື ໄປຍັງບໍ່ແຕນ ເຊິ່ງເປັນຊາຍແດນໃນແຂວງຢູນນານຂອງປະເທດຈີນກໍ່ໄດ້.

ອຸດົມໄຊມີທັ້ງຫມົດ 7 ເມືອງປະກອບດ້ວຍ

  1. ເມືອງໄຊ (Xai)
  2. ເມືອງຫຼາ (La)
  3. ນາໝໍ້ (Namo)
  4. ເມືອງງາ (Nga)
  5. ແບ່ງ (Beng)
  6. ຮຸນ (Houn)
  7. ປາກແບ່ງ (Pakbeng)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Follow

Get every new post delivered to your Inbox.

%d bloggers like this: